Winka新歌邀摯友合唱 傳遞伙伴同行力量

COLLAR成員陳泳伽（Winka）推出正能量新歌《要有光》，主題圍繞在黑暗中尋找光芒，以及與伙伴同行的重要性。為呼應歌曲理念，Winka邀請自小陪伴她成長的圈外好友參與伴唱，令作品更具意義。

《要有光》由黃偉文填詞，謝國維Y.Siu與KW朱敏希作曲，Y.Siu與Winka共同監製。歌曲傳達多束光匯聚才能更明亮，多種色彩融合才更閃耀的信息，象徵伙伴的力量。Winka分享：「就好似歌詞講『若大任，未可阻擋，但獨力，未可擔當，快與我聯手的發光』，意思係一個人嘅力量有限，要搵身邊嘅伙伴一齊努力、互相扶持。就好似我喺COLLAR呢幾年嘅生活，令我明白一個人唔係最好，有族群撐着，先至會變壯。」

她透露原本第2首單曲打算走情歌路線，但在眾多Demo中選中了《要有光》，更巧合地是由她的好友Y.Siu創作。Winka笑言：「初時聽Demo唔知係邊個寫，後來先發現係Y.Siu。佢係我Busking時期一路陪我成長嘅朋友，入行後大家喺工作冇乜機會遇到，今次終於可以真正合作，超級開心。」Winka特別邀請一班由細到大一齊成長的好友參與伴唱，她說：「搵咗一班best friend幫忙伴唱，對我嚟講，呢一樣嘢係最最最最大嘅意義。」

談到MV拍攝，Winka表示加入了不少電腦特效，整體拍攝過程非常輕鬆。她說：「咁多個MV嚟講，今次係最輕鬆一次，只係不停咁跑。雖然好多人覺得跑步好攰，但對我嚟講完全唔難，唔使諗太多，好直接，好舒服。」完成COLLAR演唱會後迅速籌備個人作品，Winka坦言體能和精神都已回復，更笑言已學懂與身上的舊患相處。完成MV後，她計劃外遊充電，稍後會將旅程中的啟發與大家分享。

（即時娛樂）