Ian加碼慰粉絲　張敬軒有味笑話撩觀眾

颱風韋帕來襲，香港及澳門昨日均懸掛10號風球。前晚，歌手陳卓賢（Ian）、張敬軒（軒仔）及林憶蓮在3號風球高掛下如常在澳門開騷，Ian與軒仔為安全起見提早開場，完騷後Ian加碼直播寵粉，軒仔則在現場大講有味笑話娛賓。

MIRROR成員Ian歷時一年的巡唱最終站尾場演出前晚在澳門舉行，由於撞正3號風球，大會決定提早30分鐘開場，讓粉絲在10號風球前趕返香港及內地。雖然外面大風大雨，但未有影響場內的熾熱氣氛，Ian落力演出，又彈琴又彈結他，他感謝觀眾風雨不改前來支持：「好多謝大家無懼風雨嚟到呢度，好多謝你哋。今晚呢個場就好Free嘅，雖然出面好似落好大雨，但係呢度好安全，大家想做乜就做乜，想笑就笑，想喊就喊，想企起身就企起身，想坐低就坐低，希望大家盡情享受。」他又談到提早開場的貼心安排：「希望大家可以返到屋企，因為知道除咗澳門，仲有香港同其他地方嘅朋友仔，大家返屋企都要啲時間，我哋今晚要捉緊時間。」他表示雖然會提早完場，但不會刪減歌單，笑言自己講嘢唔叻，不如就盡量少說幾句。

韓團RIIZE被轟收買人命

作為巡唱最後一場，Ian特別準備驚喜，在第二次Encore時，他身上的襯衫印有愛犬「雞髀」的照片，又斜揹似足「雞髀」的造型袋，讓愛犬另類登場。他在觀眾踴躍發聲投票下，唱出全新作品《樹會流眼淚》！向來寵粉的他表示完場後會開直播補償歌迷：「今日咁早同大家Bye Bye，又唔係幾好，有冇人今晚返到屋企仲可以開Live？」當聽到全場報以尖叫聲，他返港後果真言出必行開直播，更攬着愛犬陪粉絲傾偈。

另一邊廂，張敬軒昨晚在全球最大空中衝浪池舞台演出，擔任壓軸嘉賓的他吸引逾2,000名觀眾湧入派對。軒仔穿閃片背心登場，連唱多首金曲，更出動私伙水槍射向台下泳池的觀眾，全場氣氛高漲，期間他又搞氣氛大講有味笑話，指今次在室外泳池做騷，笑言怕自己會分心，因為綵排時第一次見到穿得如此少布的觀眾，而且全是女觀眾：「覺得自己好似去咗果園，一望落去全部都係生果，波濤洶湧！（有冇着泳褲打底？）咁梗係有，冇理由揈吓揈吓出嚟，我指個耳機呀！」手持水槍的他指自己手上的是私家槍，興奮地說：「射得遠過你好多！」有觀眾大叫他「除衫」，他笑說：「大家除晒我冇理由唔除，但係呢個世界冇理由嘅嘢實在太多。」罕有以背心上陣的他透露最近成功增磅至68公斤，跟75公斤的目標仍有一段距離。

至於韓國人氣男團RIIZE昨午在10號風球下仍宣布在亞博舉行的演唱會如期舉行，因而被網民炮轟收買人命。演唱會原定昨晚6時舉行，大會表示會提早於5時安排觀眾入場，大批粉絲湧入主辦方的社交網，炮轟主辦方聲稱「以安全為首要考量」，卻要求觀眾在橫風橫雨、機鐵和巴士都停駛的情況下去亞博睇騷，此舉完全罔顧粉絲安全，紛紛發炮：「為賺錢去到咁盡？有冇聽到出面啲風聲」、「下午5點開場，你當粉絲們都在香港嗎？在澳門、珠海同深圳的，怎麼去」、「粉絲的命也是命」。

東網網站 : https://on.cc/東網Facebook專頁 : https://www.facebook.com/onccnews/