Charlotte首次為XiX編舞　Eric Kwok力撐新歌發布會

女子跳舞組合XiX舉行新歌《你唔明㗎喇》發布會，與歌迷分享錄音及拍攝MV期間的趣事點滴。正值暑假，仍在求學階段的4位成員難得合體出席活動，吸引數百粉絲現身支持，而主理人Eric Kwok亦有陪同現身。成員楊秉頤（Caitlin）在活動中分享：「呢首歌對我嚟講好共鳴，精準咁描述咗我青春期嘅感受。無論我想跳舞、抱怨、放鬆或咆哮，呢首歌係我嘅情緒出口。」而鄧曉殷（Kiele）則表示：「我一聽新歌就覺得好有感覺，歌詞好似講緊自己嘅故事，編曲都好有趣同好玩，就好似青春電影一樣。」

新歌都加入舞蹈編排，而幕後編舞正是成員繆昀希（Charlotte）：「我好高興第一次為整首歌曲編舞，仲落手落腳教大家跳舞！雖然過程中笑料百出，但係對我哋4個嚟說係好回憶！」而良玳瑩（Crystal）大讚Charlotte是個很有耐心的老師：「教得很仔細，仲好有耐性，畀我哋好快掌握到舞步。新歌節奏感好強，配上舞蹈及歌詞，好非常洗腦！」

除了演唱新歌，XiX亦表演了多首過往代表作，各成員更分別準備了一首歌送給粉絲，現場化身迷你音樂會。在互動遊戲環節，XiX親自教現場觀眾跳新歌的舞蹈動作，活動尾聲，成員們與全場粉絲合照。

東網網站 : https://on.cc/東網Facebook專頁 : https://www.facebook.com/onccnews/