米線之外的健康選擇！營養師教你揀低升糖低脂粉麵

好多朋友都會好奇營養師鍾意食D咩，今日我爆一樣我好鍾意食既食物比大家聽，就係紅薯粉。我一星期至少都會食一次，一星期無食就會心掛掛想食。有人問我鍾意食紅薯粉是否因為佢健康，其實我只係純粹鍾意佢煙韌的口感，不過是實上紅薯粉其實都算係粉麵中幾健康的選擇。

有人說紅薯有益，所以紅薯粉都一定有益，但其實紅薯同紅薯粉的營養有很大差別的，紅薯粉的主要營養素是澱粉質，但它比起其他粉麵較可取的是因為它是一種粗糧，有助幫助腸道蠕動及通便。

GI值即Glycemic Index，代表食物的升糖指數，低GI值表示食後不會容易令血糖急速上升，能令體內血糖保持穩定。普通的澱粉質很多都是高GI值的食物，食後容易令血糖不穩，但紅薯粉則是粉麵中GI值低的選擇，血糖偏高的人可以以小食多餐的原則進食紅薯粉，取代其他澱粉類食物。

紅薯粉更是一種低膽固醇，低鈉，低脂，富含鉀和鐵的食物，而且也有點膳食纖維。
下次食粉麵大家識揀啦！