賀年食品卡路里一覽！年糕加蛋煎＝2碗飯 蘿蔔糕芋頭糕加臘肉致肥｜食是食非

拜年到處走，一日隨時要走訪幾家親朋好友拜年，少不了品嘗主人家準備的賀年食品。雖說人家煎糕畀你，一定要吃才有意頭。不過賀年食品卡路里都頗高，要怎樣選擇才無咁肥呢？即看營養師介紹賀年食品熱量排行榜，就知哪樣食品要少吃為妙。

撰文： Popo 圖片來源：新傳媒資料室、網上圖片 ｜資料來源：Gloria Tse（FB: 註冊營養師Gloria – Nutri Life）

賀年食品卡路里排行榜倒數！

第15位 紅瓜子 1.1卡路里/粒

第14位 黑瓜子 2.1卡路里/粒

第13位 開心果 4.5卡路里/粒

第12位 瑞士糖 13卡路里/粒

第11位 笑口棗 23卡路里/粒

第10位 朱古力金幣 27卡路里/個

第9位 糖蓮子 40卡路里/粒

第8位 蝴蝶酥 48卡路里/件

第7位 角仔 49卡路里/件

第6位 花生湯圓 62.5卡路里/粒

第5位 糖蓮藕、芋頭糕 80卡路里/件

第4位 芋蝦 100卡路里/件

第3位 馬蹄糕 110卡路里/件

第2位 蘿蔔糕 117卡路里/件

第1位 年糕 265卡路里/件

4大賀年食品迷思

迷思1 油炸食物會致癌？

芋蝦、笑口棗、角仔均屬澱粉食品，經高溫油炸會產生致癌物「丙烯醯胺」（acrylamide），多食有損健康，也有反式脂肪。想應節，建議每日最多吃3隻角仔或4粒笑口棗或1個芋蝦。

迷思2 吃蘿蔔糕會水腫？

雖然年糕卡路里是蘿蔔糕兩倍，但由於製作蘿蔔糕時加入大量鹽分、高鈉食品如臘腸、臘肉等，吃一件所吸收的鈉已佔全日上限¼。

迷思3 用蛋煎年糕，吃多一碗飯

很多人煎年糕時會蘸蛋漿來煎，為防止黐底，有些人更習慣性會加多一點油。

但雞蛋本身極易吸油，若以煎三塊年糕用一湯匙油及一隻雞蛋計算，就多了200卡路里，相等於一碗飯熱量！

迷思4 吃開心果開心啲？

由於開心果所含的維他命B6，較其他堅果如花生、合桃多，而維他命B6可提升血清素，有助提高開心情緒。