【TP-Link BE65評測】 Wi-F7新時代降臨 丨 超強性能路由器 丨 超高速度低延遲 丨Multilink-operation 丨6 GHz 頻段 丨TP-Link BE65

又黎到Z世代達人嘅時間啦~ 隨住Wi-Fi 6E喺香港愈黎愈普及，Wi-Fi 7原來已經開始喺香港面世啦~ 首批獲得通訊事務管理局OFCA認證嘅Wi-Fi 7產品 - TP LINK Deco BE 65 , Deco BE 85已經喺香港進行預購活動，今日就同大家試下Deco BE 65呢款Wi-F7嘅無線路由器，帶左啲咩野驚喜比我地啦~
首先睇睇個外形，Deco BE65主要以簡約風格為主，機身上身無任何天線。圓柱形機身設計，再輔以灰色嘅紋路，令到成部機比人感覺簡潔得黎又不失優雅，放喺屋企嗰到，真係完全無違和感，甚至可以當做裝飾擺設添~
同大家簡單介紹下Wi-Fi 7嘅特點啦~ Wi-F7採用咗802.11be標準，傳輸速度最高會去到46Gbps，相比喺上一代嘅Wi-Fi 6E嘅9.6 Gbps 足足快咗4倍有多啊~ 而且Wi-F7嘅頻寬仲增加到320MHZ。 用貼近日常生活嘅例子黎講，即係紅隧現在擴建到，被原先多咗兩倍咁闊，行車嘅數量多咗，過海速度自然會更快啦
而Wi-F7另外一個特點就係，會有更低嘅延遲情況，相比起Wi-Fi6之下，即使Wi-F7處於最差嘅延遲情況，亦都可以提升近100倍嘅近能
令到Wi-F7有咁低延遲嘅原因，主要喺Wi-Fi 7應用咗最新技術 - Multi-Link Operation。簡單啲黎講，呢個技術有別於以往只可以選擇一個頻段，例如5GHz , 2,4GHz等等，Multi-Link Operation可以喺6G HZ , 5 GHZ 以及 2.4 GHZ 做到同時傳輸嘅效果，令到延遲情況大大降低。
而Deco BE65正正可以將Wi-Fi 7嘅潛能完全發揮到出黎，Deco BE65支持三個頻段，分別係 6GHZ , 5GHZ 以及 2.4GHZ，總提供11Gbps嘅傳輸速度
同時亦都會提供四個2.5Gbps嘅接口，確保大家無論係用Lan線上網定係無線上網都有最高速嘅上網體驗，大大增加咗靈活性同埋傳輸速度
頭先亦都提及到 Multi - Link Operation呢個技術可以做到三頻段並行傳輸嘅效果，而Deco BE65更可以做到三頻段、有線同時回程及傳輸，令到Deco BE65嘅延遲情況進一步咁降低，甚至更可以提升整體嘅網路吞吐量，令到傳輸嘅速度大大增加，可以話就算所有屋企人，用唔同裝置同時播放4K超高清嘅直播片，一樣都無問題啊~
講咗咁耐技術上嘅層面，現在我地就親身試下，Deco BE65嘅速度有幾快先~
我地會用呢部支援Wi-F7嘅手機去做測試，分別會測試兩種情況，分別係喺Deco BE65嘅旁邊直接上網，以及隔住牆上網，呢兩種情況~
測試結果可以睇到，Deco BE65嘅上網速度真係唔差~ 而且仲好隱定添
而係隔住牆嘅情形下，上網速度可以睇得出係有下降情況出現，但連線嘅品質以及速度，都會保持一定嘅水準
為咗令大家更清楚了解到Wi-F7嘅速度有幾快，我仲試埋只喺支援Wi-F5嘅手機連接Wi-F5路由器，比大家可以做一個參考。
咁如果唔支持Wi-F7嘅手機，用Deco BE65嘅話，上網速度又會唔會增加呢? 咦，真係快咗啵，就算唔支援Wi-F7嘅手機，用Deco BE65呢個無線路由器黎上網既話，速度一樣係快咗，可以睇得出Deco BE65嘅性能有幾咁犀利啦~
現在Deco BE65做緊預售活動，一件裝售價會係HKD $2999, 二件裝售價會係HKD $4999 . 三件裝售價會係HKD $7499 ，有興趣嘅朋友可以到TP-LINK官網了解詳情~
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~