吳偉豪動作擔當　大騷胸肌腹肌麒麟臂

無綫新劇《非常檢控觀》昨晚（19日）首播，劇情一開始便以香港首宗「無屍體、無法證、無招認」情況下成功定罪的謀殺案作為重心，主角包希仁（馬德鐘飾）特有的「鏡反射觸覺症」，以及吳偉豪（Ricco）的超強身手，首度在劇集中成為「動作擔當」的Ricco，在三場打鬥戲中的「凌空飛腿」，展示了驚人彈跳力、腰力及腳骨力，他的「直勾腿」無論向前或是向後均呈現完美的「90度角」，與黃長興對打戲中更以「直勾腿」放題，將黃長興過肩摔落地，動作完成得相當利落。原來Ricco事前並沒有接受任何特別動作訓練，自揭秘訣是拉筋：「主要都係做多啲Gym，同埋拉多啲筋。我知道有唔少出拳同踢腿嘅動作，所以最緊要啲筋鬆，出嚟嘅動作先會夠靚。」

Ricco還有不少騷肌場面，大騷完美Body「iPad胸肌」、「朱古力腹肌」和「青筋麒麟臂」，獲網民大讚睇得又打得。Ricco表示：「我平時都會喺屋企做掌上壓、引體上升同重訓，去保持個身形。」並笑言監製林志華對其外表及身形要求極高：「一來我好在意自己個戲做得夠唔夠真實，而監製就好注重我出嚟夠唔夠靚仔，所以要同時兼顧呢兩樣嘢。」

由之前在《回歸》的「斯文眼鏡Look」、愛回家的IT界才俊「朱凌凌」，到現在拳來腳往、打到飛起的場口，Ricco新劇的造型可謂幫了不少忙，林志華受訪時笑言睇好Ricco極有潛力成為無綫2026年最火爆小生之一：「又勤力、又有顏值、又有外形、又有身手，真係好弗，睇好佢！」

東網網站 : https://on.cc/東網Facebook專頁 : https://www.facebook.com/onccnews/