姜濤與朋友行維園年宵　玩攤位遊戲被學生認出

昨晚（2月16日）是年廿九除夕夜，一向活躍於維園的MIRROR成員姜濤亦跟好友現身維園年宵。他在今日凌晨於社交平台發帖文並寫道：「Happy new year ~~」姜濤戴帽及口罩和穿長褸，包到冚行維園年宵市場，還買了一大盆桔應節，期間他更與朋友到檔位玩遊戲，雖然已經包到冚，但一樣被攤檔的學生認出。

被姜濤分享的攤檔帳號留言：「我哋係第38屆香港聯校經濟學會～ 多謝姜濤支持我哋中學生舉辦嘅年宵」，而在片中不停「裝」的男生亦有留言：「問係咪姜濤嗰個男仔就係我」，引來不少人回應：「你好叻呀！馬年一定行大運」、「你好犀利，咁都認到，係咁裝，笑死」、「你都好靚仔同可愛」。

姜濤自1月4日以大師兄身分，擔任《全民造星VI》壓軸表演嘉賓後，就預告會「潛水」放假。一月底獲時裝品牌邀請到法國巴黎出席活動。而他將於下月開展巡迴演唱，包括英國、加拿大和美國等。