火雞姐出寫真賣屎忽 鄧月平高衩旗袍迎戰慘敗

鄧月平和「火雞姐」丁可欣近日為慈善影性感相出寫真，寫真集多名女性合成相集，當中最吸睛一定是火雞姐穿上喱士T-back大晒兩團圓渾屁股，而F奶鄧月平今次卻收起豐乳，穿上超高衩旗袍對撼，性感程度大跌watt，立即被比下去﹗
文：東方新地 ｜ 圖：丁可欣IG、鄧月平IG、@girlsfund2020

火雞姐苦操兩年蜜桃臀

火雞姐在相集中穿上多套喱士內衣造型做運動，當中一張僅以白色喱士胸圍及T-back成相集焦點，火雞姐大晒苦練兩年的蜜桃臀，在記招上，火雞姐自言看到自己肉肉屎忽相放在會場，令她有點怕醜：「諗番起影相嗰日，著住T-back，現場好多人圍住望住我個pat pat，其實好尷尬。」火雞姐直言為練出翹臀，花了兩年時間，佢話：「亞洲女性pat pat始終冇外國人咁翹咁堅挺，今次呢輯相係想表現曲線美，表達女性都可以又性感又有力量，亞洲人係比較保守，我想打破呢個睇法。」

鄧月平封胸晒線條

同場的鄧月平當日全黑封胸現身，跟寫真集內一樣收起性感，在相集大玩中國風，先以超高衩旗袍露腿，卻把自己最突出的一面收埋，相比火雞姐的性感情度，明顯比下去，鄧月平話平時身材已成焦點，所以想被大家看她內在一面，鋒頭明顯被火雞姐蓋過，鄧月平就咁話：「除咗旗袍造型仲有大戲造型，其實我唔係錫身，件旗袍好高衩騷到線條出嚟，仲有化大戲妝好辛苦，用咗好多時間㗎，所以大戲演員真好專業。」