泰山憶被蘇施黃鬧足8年失自尊

現年50歲的商台DJ泰山今年初發現患上前列腺癌第四期，已擴散至全身骨骼，及後積極接受中西醫治療後見成效，體內90%癌細胞已被擊退，6月時開始恢復工作。泰山近日接受網上節目《叔叔的愛》訪問時，談及當年由姑姐曾路得引薦認識蘇施黃（阿蘇）後，隨對方加入商台工作，雙方合作8年，他就被鬧足8年，失去自尊。

泰山在節目中表示與蘇施黃合作8年間雖然學到不少，但不開心的時候遠多於快樂。他形容對方一星期可以鬧足7日，而且鬧得相當「甘」。泰山憶述曾被蘇施黃「搵支筆車埋我度」，感覺極難受。他說：「譬如我寫咗啲廣告稿，佢一睇就扔落我塊面度，話『你咁樣叫做寫過嘢呀？你咁都夠膽交畀我』，然後唔係叫你寫過，就行開喎﹗」泰山表示當時只能不斷重寫，直到對方蘇施黃收貨為止。他指蘇施黃教得少，相信她是憑個人經驗與感覺去判斷作品是否可行。

泰山坦言被蘇施黃鬧足8年，令他逐漸失去自信。他回憶道：「去到一個位唔知做咩好，覺得自己冇乜用。」他更引述蘇施黃曾說：「如果你喺呢一行，兩年之內你紅唔到，你收皮啦！」泰山說當時他已跟隨對方工作逾一年，不禁懷疑自己是否適合這行業。他坦言在持續被鬧的環境下工作，即使心中熱愛這份工，亦難免自尊心被逐步瓦解。他慨嘆：「慢慢你嘅自尊會打散晒，會碎晒，冇咗自己，喪屍咁樣去做囉﹗」泰山又透露，自己與同事私下稱蘇施黃為「娘娘」，而眾人則是「公公」。他多年來從未反駁對方，被訓練出高度耐性與情緒管理能力，被「奴隸化」。他直言：「如果我接收晒阿蘇嗰時同我講嘅嘢，我會崩潰。」

泰山回憶與蘇施黃共事初期，僅3個月便受不了，曾致電遠在加拿大的母親傾訴。他當時對母親說：「頂唔順，我要返嚟，呢個女人黐線㗎！」由於母親勸他堅持下去，他才繼續工作。泰山與蘇施黃分別後，曾嘗試過不同工作崗位，逐漸重拾自我。他回憶與蘇施黃重遇時，感受到對方態度已有改變：「我諗佢多咗對我嘅尊重，因為佢見到我做嘅嘢係咩，於是佢都好咗好多㗎喇﹗」

（即時娛樂）