大排檔style泰北菜　菜式新奇啱香港人口味

Encorable’泰菜名單又多一間了(ง*`˘´*)ว 建議直落食埋甜品!!!
@mummum.thai 定位係泰北菜都幾多未食過嘅特式菜式新奇但覺得幾啱香港人口味
雖然係走大排檔style 但一定一定要讚啲staff（應該係泰國人）好friendly 服務又好好!!

◦ BB魷魚配青醬
魷魚集爽嫩彈於一身調味好提到鮮配埋青醬多一層清新嘅感覺

◦ 冬蔭功蒸蛋
顧名思義就係冬陰功加蒸蛋出奇地幾和諧比較重口味嘅湯加埋蒸蛋一齊放入口會中和左而且蒸蛋夠滑唔會好突兀

◦ MUMMUM 生菜包
朋友係泰國菜fans 去每一間泰國餐廳都要試生菜包呢間獲得佢approved
唔會太油恰當嘅香料味肉碎加埋脆卜卜炸豬皮

◦ 酸腸鹹蛋炒粉絲
最好食我哋覺得係個粉絲炒得夠乾身有鑊氣惹味～
隻酸腸係清邁食過嘅味道酸酸辣辣撈埋鹹蛋個層次好豐富

◦ 泰北香焗雞
雞肉滑嘅但相比下無咩特別

◦ 椰子芒果雪糕
甜品諗住都係雪糕啫無咩大期望首先一上菜發現好大份
然後完全唔知椰子芒果仲有糯米飯墊底食食下先發現原來係芒果糯米飯嘅變奏!!!

◦ 咸蛋果仁豆腐雪糕
個combo都幾正鹹甜控要試下面收埋咗啲粟米

◦ 泰式綠奶茶
唔多間有綠茶版揀同朋友一齊揀咗比泰茶無咁甜茶味更濃

生活