黃美棋峇里補度蜜月　晒早餐照火辣身材成焦點

現年35歲、有「美棋BB」之稱的黃美棋，去年4月與拍拖11年的男友鍾健威（Ray）結婚，正式升呢做人妻。結婚一周年之際，繼早前甜遊瑞士後，二人近日再飛峇里島補度蜜月，享受陽光與海灘之餘，美棋BB更大方在社交平台晒出一連串火辣泳裝照，立即引爆網民熱議！

首次遊峇里島的黃美棋心情大靚，特別為「打卡」影相拼盡全力。她與老公在私人Villa中圍住Floating Breakfast影足成個早上，笑言Breakfast只是道具，真正焦點是打卡畫面。鍾健威亦不禁笑她：「Floating Breakfast嘅重點…永遠唔喺份Breakfast度～你地覺得係喺邊度？」

黃美棋身穿桃紅色比堅尼泳衣，下身搭配輕紗裙，連環晒出由老公操刀拍攝的「老公視角」靚相，包括高抄、正面、close-up 等角度，張張都性感又吸睛，完美展現34D傲人身材，人妻魅力爆燈。

網民與圈中好友反應熱烈，江嘉敏留言搞笑表示：「我！？我！focus唔到啊！🔥」張美妮、翟威廉、李綺雯等亦紛紛留言讚靚。大批網民更湧入留言區表示：「終於等到福利圖」、「流鼻血流到痴線」、「老公最幸福」、「美棋BB真係有料到」！

美棋BB曾表示希望生BB，有網民就「預測」這次旅程或是二人「造人之旅」，紛紛留言：「兩個人去三個人返」、「可能三個人回港」、「BB製作中」。