「美味天使」丁樂鍶被非禮　拍下對方照片：好驚大叔的眼神

TVB藝人丁樂鍶早年因擔任美味天使「腸粉」而為人認識，又被網民封為「趙希洛2.0」，成為TVB新一代「御用癲婆」。昨日（6月12日）她在社交平台出帖文，透露遇被非禮撞胸，她更拍下對方的照片，「依家見到呢個大叔的眼神我都好驚」。

丁樂鍶在社交平台貼出疑似在醫院拍攝的照片，寫道：「「大叔應該是習慣見女人就沖（衝）埋去大力撞去女人的胸前，呢種男人相信好多女性在香港都試過，真的很鄙視呢啲大叔，到依家我膊頭和胸都仲痛緊！都唔知係咪習慣扮病人趁多人的時候來搞事。好彩我有不祥預感避唔到都影底先，女性見到呢啲變態佬要小心。相片可見他早就向著我邊看，不過太多人我被夾著避不到……原來女性的不詳預感有時是真的，可能是上天給女性保護的提示……依家見到呢個大叔的眼神我都好驚。」丁樂鍶特意在附上的現場圖片中，圈起對方的模樣。

現年37歲的丁樂鍶，2009年簽約為TVB並加入《美女廚房》（第二輯）成為「美味天使」的「腸粉」角色。2012年曾離開TVB，轉投香港電視網絡（HKTV）旗下，曾拍攝過《開腦儆探》、《來生不做香港人》、《我阿媽係黑玫瑰》及《導火新聞線》等劇集。2017年重返TVB，演出多部電視劇，包括《愛回家之開心速遞》、《兄弟》、《黃金有罪》、《十八年後的終極告白》、《七公主》、《旁觀者》、《異空感應》等。