BLACK PINK尾場︱鍾楚紅現身狀態不俗　炎明熹低調睇騷

韓國人氣女團BLACK PINK世界巡迴演唱會《DEADLINE》，前日（26日）起一連3晚假啟德體育園主場館舉行，作為今次巡唱終點站，今日（26日）來到尾場，吸引多位香港藝人入場欣賞，當中包括鍾楚紅、「樂壇小天后」炎明熹（Gigi）、何沛珈、王嘉慧、李海銅、游嘉欣、譚嘉儀、鄧伊婷及湯寶如等。

Gigi以運動裝配頸巾及Cap帽上陣，打扮優閒低調，但因趕入場而未有接受訪問。而鍾楚紅身穿綠色外套配牛仔褲及波鞋，配以淡妝，狀態不俗，問到是否BLACK PINK粉絲時，她笑而不答。

譚嘉儀與鄧伊婷結伴到場，兩人自認是BLACK PINK的超級粉絲，除帶備應援捧外，又穿上黑配粉紅的衣着打扮，嘉儀表示：「之前佢哋喺澳門同香港開騷，我都有睇，今次希望再有新鮮感，因為今次又多咗好多新歌，所以好期待。（你熟晒佢啲歌？）熟呀，我喺社交網有好多跳佢哋舞蹈嘅片，如果一陣睇騷有空間嘅話都會一齊跳。不過今次只睇一場，因為啲飛好難搶，都係靠伊婷幫我搶飛。」伊婷指一直有學跳BLACK PINK的舞蹈，近幾日又不停重溫她們的歌，譚嘉儀與何沛珈等人於開騷前已急不及待在社交網晒相。

東網網站 : https://on.cc/東網Facebook專頁 : https://www.facebook.com/onccnews/