成日話去泰國要拜四面佛 但佢點解會生多四塊面你知道嗎？

相信唔少朋友都會聽過去泰國要拜四面佛，連明星們都紛紛去參拜、還願，好多人都話非常靈驗，咁大家又知唔知點解四面佛有咁多塊面呢?

其實四面佛唔係「佛」，佢原本係印度教、婆羅門教神話之中，三主神之一梵天，所以亦有人叫佢做四面神。

相傳梵天迷戀上莎塔如帕（Shatarupa），而呢位擁有無雙美貌嘅女神係毀滅神濕婆個囡，所以成日都望住佢，而莎塔如帕覺得好困擾，於是成日轉到梵天左面、右面、後面甚至飛到上面，以避開梵天嘅目光。而為咗可以全天侯咁望住莎塔如帕，梵天毫然生出5塊面，咁就可以一直望住佢個女神。

後來梵天冒犯咗毀滅神濕婆，自大嘅佢吹噓自己係宇宙嘅創造者，令到真正嘅創造者濕婆大怒，憤怒嘅濕婆化身成為Bhairava，用額頭上第三隻眼噴火燒向梵天朝上嘅一塊面，並用左姆指嘅指甲割下呢塊面，於是梵天就得返現在所常見嘅四塊臉，最終梵天跟濕婆和好如初，成為今日嘅四面佛。

估唔到信徒遍天下嘅四面佛都有咁人性化嘅一面，竟然曾經變成恐怖情人，仲有自吹自擂嘅一面，下次去泰國嘅時候，會唔會對呢位靈驗嘅神祇另眼相看呢?