張繼聰想挑戰做幕後　Kay盼夫妻檔奉旨嗌交

藝人張繼聰與太太謝安琪（Kay）昨晚（15日）現身戲曲中心欣賞音樂劇《大狀王》首演，香胤宅夫婦、徐小鳳等也有現身捧場。張繼聰表示讀書時期有演過音樂劇，近10年則以拍電影為主，坦言現已年過40，加上做演員較被動，故打算今年開拓不同範疇，挑戰擔任音樂劇、舞台劇監製以及電影導演等幕後工作，若劇本合適的話，不介意跟太太合作。Kay笑言跟老公從未試嗌交，相信搭檔合作也不會產生拗撬，她笑謂：「期待有劇本撮合我哋奉旨嗌交，通常有阿聰嘅工作，氣氛都好好嘅。」

談到陳奕迅（Eason)澳門騷尾場獻唱 《防不勝防》送給作曲人張繼聰，阿聰直言好感動，大讚對方除了歌手身份，更是一個藝術家，希望將來當幕後可以找對方合作。提到對方自爆患焦慮症，阿聰相信對方定能處理好問題，透露有發短訊祝福對方，希望對方好好享受人生：「我知道佢都鍾意熱電單車，等我導佢入坑。」

談到外界批評謝安琪早前擔任紅館騷嘉賓時表現失準，Kay坦言綵排當日仍然輕鬆，未想過到正式表演時卻突如其來的緊張，解釋自己等出場時，聽到台上歌手感言後被感動：「同埋可能自己為咗出道20周年入紙申請紅館但唔成功，突然有啲情緒，事後返到屋企都反省咗成個星期，可能焦慮來自以前積落嘅壓力，令到啲肌肉突然緊張，個人硬晒好似失咗聯咁。」

阿聰也表示作為表演者總要面對這些問題，自己的情況跟阿Kay是兩極：「出道做歌手嗰陣冇人談論，都係一種壓力嚟，後來搵到個方法釋放，既然冇人理就好喇，決定做野獸派乜都唔理，有人會覺得奇怪，問我都冇Hit歌但仍然繼續出歌，其實係喺我零用錢度扣。」他也希望太太早日能克服這個作為歌手的一世課題。

東網網站 : https://on.cc/東網Facebook專頁 : https://www.facebook.com/onccnews/