Selina忽然肚凸凸疑懷二胎　曾言「懷孕到停經為止」

S.H.E成員Selina（任家萱）男友小徐未結婚但感情穩定，佢曾明確表示唔會再婚，但支持非婚生育，二人於2023年9月誕下仔仔「小腰果」。不過今日（12日）網上流出Selina攜男友及兒子「小腰果」參加好友生日會合照，現場照片及影片中見佢身穿寬鬆長裙，腹部明顯隆起，即被大批網友猜測懷二胎。男友小徐亦罕見未戴口罩出鏡，兩人互動親密，家庭氛圍融洽。

其實Selina自2024年起，已多次表示有二胎計畫，佢曾公開表示希望為兒子添伴，甚至提到想生3胎，並稱：「要自然懷孕到停經為止。」早喺去年9月，佢受訪時表示因仔仔剛學行路，佢就計畫「再等一年」備孕二胎，優先享受親子時光。面對女神疑似大肚，有歌迷就擔憂二胎會影響S.H.E合體計畫，最驚25周年演唱會恐無望。

東網網站 : https://on.cc/東網Facebook專頁 : https://www.facebook.com/onccnews/