九龍城泰菜　椰皇咖喱泰式炆牛｜金蘭花泰國菜館｜九龍城

唔知大家去九龍城食泰菜覺唔覺，其實間間賣嘅嘢食都九成九一樣，只係做得好食同冇咁好食嘅分別，可能係呢個原因，近年城外有咁多間新派泰菜爆紅，因為佢地帶到多啲新鮮感比大家。

但老店係咪一定冇新鮮感，其實都唔係，就好似呢間30幾年歷史嘅泰菜咁，佢地唔聲唔聲，原來賣嘅泰菜都係同出邊好唔同，例如猜也蓬炆牛肉、魷魚鍋、椰皇椰子水熬嘅咖哩咁，都係香港特別少見。

-
🥘大圓法包椰皇黃咖喱雞 ($178)
用上原個椰皇同椰青水，去熬煮黃咖喱，濃厚中帶清甜，出邊真係少見咁做，完全冇平時咖哩嘅膩感，食落非常舒服，拎埋農夫包黎沾超正。

🍗糯米雞翼 ($88)
難得出色嘅糯米雞翼，糯米本身用泰國臘腸同香料煲起，本身糯米都粒粒入味，再釀入填滿雞翼，炸到外層脆皮，內裡軟糯，帶臘味香非常正，

🥩泰國猜也蓬炆牛肉 ($148)
猜也蓬係泰國地名，聽店員介紹，剩係呢道都用上10多款香料，都係泰國地道香料為主，將清湯做到充滿香料層次，炆煮牛肉兩個鐘，肉質都非常軟腍。

🦑泰式原條魷魚鍋 ($188)
應該係我見過最大條魷魚，底下係酸辣鮮清湯，魷魚嘅谷氨酸同肌苷酸，即係鮮味來源，越滾越濃縮，越黎越鮮甜，難怪要明爐上。

🥓泰式燒鰂魚沙律 ($198)
其實呢道都幾抵食，因為原條上份量大得誇張，用嘅都係鮮甜嘅白鰂魚。沙律其實係講緊個做法，嚴格黎講呢道係原條淨魚黎，拆好哂肉炸香，酸甜辣超正。

-
金蘭花泰國菜館 @goldenorchidkc
🗺️九龍城龍崗道10-12號地舖
📞23833076

▼Follow foodiegogoooo
Instagram: https://www.instagram.com/foodiegogoooo/