呂慧儀頸椎移位需戴頸箍開工　月初入院晒病床照：覺得好孤單

無綫處境劇《愛·回家之開心速遞》日前於電視城舉行宣傳造勢活動，劇組宣布劇集將於11月3日至7日特別安排，連續五晚於晚上8時半至9時半播出1小時版本。不過，飾演「龔水CP」女主角的「長腳蟹」呂慧儀未有現身，健康狀況引起關注。

同劇演員張景淳接受訪問時透露，呂慧儀因早前發生交通意外而未能出席：「佢之前發生咗交通意外，畀人撞車尾整親條頸，搞到頸椎移位，一直都會Keep住痛，而家佢係要戴頸箍開工，一埋位嘅時候就要除，演嘅時候係要就住演，演完又要戴返咁。」他指可能呂慧儀有其他事情要處理，因此缺席活動。

同劇演員湯盈盈表示，呂慧儀近期或要接受物理治療：「大家都知我幾玩得啦，變咗有時我要小心，唔可以掂佢，我都驚整親佢，造成二次傷害。我哋要錫住佢。」

其實，呂慧儀本月初已在社交平台上傳一張身處醫院的照片，照片中可見她躺在病床上、手戴病人手帶，並留言：「Feel lonely, but safe. Finally finish checking.」她又以英文表示「覺得好孤單」及「好掛住屋企」，但未有交代入院原因，只稱檢查完成並無大礙，感謝醫護人員悉心照顧，並向粉絲派心。

呂慧儀過去亦曾因身體狀況入院。她早前曾在街上突然暈倒，膊頭及手腳擦損，其後入院檢查，排除心臟及腦部問題。醫生建議她保持均衡飲食、多做運動及注意身體健康。

離婚後，呂慧儀獨力照顧兒子，除拍劇外亦在半工讀下完成牛津大學賽德商學院課程，工作及學業並重。