又一性感力作　陳蕾着肚兜側漏波邊大露背

歌手陳蕾向來走型格路線，但自從今年初佢喺《2021年度叱咤樂壇流行榜頒獎典禮》激罕真空上陣，「裸」命漏B奶一鳴驚人後，就似乎成功突破自己，近日再度挑戰性感，佢喺社交網大晒一輯喺草原上拍攝嘅靚相，見佢着上窩釘牛仔外套及牛仔裙，內搭一件仿肚兜設計嘅緣色絲質上衣，不但後面大露背，兩側更漏出「波邊」，令其「禾稈冚珍珠」嘅好身材一覽無遺，即引起網民哄動，就連好友廖子妤都大讚「惹火」，而其唱片公司華納高層亦社交網轉載照片，但就用黃色大心心圖案完全遮住陳蕾嘅好身段，仲表示：「高層幫大家處理咗啦。」相當搞笑。

東網網站 : https://on.cc/東網Facebook專頁 : https://www.facebook.com/onccnews/