疫情限聚令下苦海求天︱香港人齊撐告急良心小店

「避唔過，一齊捱」，這金句之所以深入民心，想必因為它體現了目前大多數香港人、良心小店負嵎頑抗的精神。但面對防疫措施的無限收緊，許多生意本已深受重創的小店，面臨著前所未有的危機……

名人串燒店心燒食堂門市全日營業額「清零」，居酒屋無奈加開午市、轉陣推出走勻港九新界的外賣團購；曾為試當真短片取景地、主打雞翼放題的龍華軒受許賢、Locker等網絡紅人加持，卻依舊生意慘淡，悶到喺門口玩「Normal Temperature」；前蘋果記者特許經營、以珍寶size生炸雞髀聞名的荃灣和順記，店主疫情中苦笑道「只有雞髀係唔會背叛你」，推出$100兩份炸（鹵）雞髀飯、$80兩隻雞髀等外賣自取優惠。

各小店八仙過海，各出奇謀，只望在這亂世中掙扎求存，編輯部自然力撐，為大家羅列一系列告急小店並持續更新清單，同時歡迎各小店備齊靚相、餐單等資料Inbox投稿，AndThen.hk願聚合眾人力量、共渡難關。大家在防疫之餘，不妨盡力幫襯小店，無論門市、外賣、團購，「多你一個，結果可以好唔同」。