《聲秀》公開未剪片段 澄清吳浩康侮辱爭議

吳浩康（Deep）為無綫歌唱比賽節目《聲秀》擔任導師，他在第三輪對決中因組員林錦興（小林）表現未如理想被淘汰，遂語重心長勉勵他日後要珍惜機會。不過，節目播出後，有網民質疑片段經剪接，指現場言詞帶侮辱成分。節目組昨天（19日）於無綫官方社交平台公開未剪片段澄清，吳浩康全程語氣無奈和壓抑，眼泛淚光，言辭真摯懇切。

片段開首，小林向吳浩康道歉，承認未能妥善安排練習時間，責任在己。吳浩康則指出，小林在整個訓練過程中本有空間改善，但未有把握機會，比賽時亦未有回應他的建議去改善。吳浩康更以父親身分提醒即將為人父的小林，強調責任感的重要，稱當爸爸不如當歌手般簡單，勿再浪費機會。他又勉勵小林要學懂珍惜與面對，不再為失誤找藉口，不要再創造遺憾，並以一句「加油，且行，且珍惜」作結。不少網民留言支持吳浩康，指他言辭真誠懇切，並非侮辱，是恨鐵不成鋼的肺腑之言。

吳浩康說話完整版本如下︰

「你有空間接受真實回應㗎嘛？其實喺訓練嘅過程入面，有太多太多時間，係可以畀你扭轉呢個結果。而今日呢個遺憾，你當初已經揀咗。如果早兩個禮拜投入去練，會係點呢？我好難接受有人同我講忙，我好難，我忙到全香港都知，我一樣可以抽4個鐘擺低家爺仔乸嚟教你。結論呢？3個禮拜前同你講嘅嘢…Sorry… 一個禮拜前同你講嘅嘢，你返番嚟上堂，我同你講番一個禮拜前嘅嘢，冇郁過。

所以嚟緊要做人爸爸，要學珍惜、要學面對，唔好再解釋喇，解釋只係解釋之前點解我會做得唔好，唔好再創造遺憾。呢一刻見到，呢一刻就把握機會。希望你透過呢一次嘅演唱，學識尊重，學識珍惜。尊重一啲為你付出嘅人，尊重你嘅舞台，尊重每一次機會。珍惜每一個為你付出嘅人，珍惜你嘅機會，珍惜你嘅時間，把握機會。日後你要做人爸爸，唔係做歌手咁簡單，唔係淨係浪費緊自己嘅機會。

唔好再唔記得喇，知唔知呀？如果唔係第日個仔要打疫苗，你都唔記得，咁就慘。阿仔第日要返健康院㗎，知唔知呀？個仔嘅嘢唔可以唔記得，唔好唔記得幫佢報幼稚園，呢啲係好大件事。我能夠貢獻畀你嘅係咁多。加油，且行，且珍惜。」

（即時娛樂）