好人好事｜女子搭港鐵前獲陌生途人送上都會票 「香港人真係好好」
港鐵推出的回數式車票「港鐵都會票」，容許購票乘客在40日內於指定車站乘搭40程。有港鐵乘客昨晚步行往港鐵站期間，突然被一名女途人截停並送上一張港鐵都會票，在使用入閘時發現車票還剩1個車程未用，事後遂公開事件感激對方，「我之前都冇諗過可以咁樣俾人，多謝你呀，香港人真係好好。」
網民猜善心人「計錯數」剩1程
現時港鐵都會票使用範圍覆蓋市區67個車站，涵蓋荃灣綫、港島綫、南港島綫、觀塘綫、將軍澳綫所有車站，以及東涌綫、東鐵綫和屯馬綫部分車站，每張售價460元。不少網民看到事主分享帖文後，紛紛讚揚該名女途人好人，「好人好事，祝佢永遠靚女」、
亦有人指數年前都遇過同類好事，「我幾年前都有收過！keep(保留)張飛keep到而家，就係為咗記住香港其實好多好人好事」、「好心人應該事事順遂」。有人就指出，一般用家如果來回程搭港鐵上下班，很少會剩下單數一程未用，「睇嚟呢位善心人士計錯數，放咗大假」，亦有人估計可能其中一程改搭了巴士。
同路人慨嘆難以轉贈
另一邊廂，有網民就指以往都試過港鐵都會票還有剩餘車程用不著，但找到幸運兒接收都不是一件易事，「我企咗好耐都搵唔到一個人可以俾我塞俾佢，所以我嘥咗一程」、「我都試過閘口俾人用，但問左幾個人佢哋都驚我呃佢唔要」、「之前用剩左幾程想比人，個呀叔當我問佢拎錢咁，後尾個後生仔就識野(嘢)啦」、「第一個後生仔好戒備覺得我係呃佢，第二個係一pair(對)情侶，接受咗我將剩返一次嘅都會票。」
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)