台慶頒獎禮拉票丨郭柏妍開口恨攞飛躍進步 劉佩玥入行10年有信心得獎

郭柏妍今日（28日）現身台慶頒獎禮拉票，她有份角逐「飛躍進步女藝員」及「最受歡迎電視女角色」，獲《下流上車族》飾演其母的江美儀睇好，郭柏妍亦看好劇中媽咪攞獎，因「媽咪」說家中有女配角獎，尚欠細佬妹，正如她除港姐獎座外，沒有其他獎，笑言要搵個仔或女先。郭柏妍本身對「最佳劇集」最有信心，《下》劇是她入行首次戲分較重的角色，而且團隊合作得好開心。此外，她想攞「飛躍進步獎」，覺得大家為劇集付出值得攞獎，因此任何人攞獎都會替對方開心。問到參與拍攝《我和殭屍有個約會》電影版《驅魔龍族馬小玲》是否仍停工？她表示已完成個人戲份，不擔心會胎死腹中，對監製及電影有信心，相信好快會面世。

【點擊睇郭柏妍劉佩玥相】：

同場的劉佩玥分別角逐「最佳女主角」、「最受歡迎電視女角色」、「飛躍進步女藝員」及「最受歡迎電視拍檔」4個獎，她感到好榮幸，提到視后及女角色對手好強，她反而對飛躍進步獎有信心，因在《美麗戰場》及《超能使者》中看到不同的劉佩玥。而明年是其入行10周年，今次得獎機會好大，對自己演出有信心。劉佩玥又透露去聖誕派對時也有拉票，因今年是TVB 55周年特別有意義，但暫時未揀定戰衣，覺得最緊要靚。

【其他文章】：

郭可盈賀林文龍生日豪花至少1.3萬歎法國菜 魚子醬黑松露食足4個半鐘

郭富城扮聖誕老人?女 佈置簡陋被嘲冇天王氣勢 真相住3000呎豪宅有巨型天台

「細龍太」陳思圻遊斯洛伐克派福利 同4東歐猛男混浴3度都嗌熱

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ