伍富橋家有「明星犬」　拍劇唔講金

「億萬駙馬」歌手伍富橋（Alvin）與圈外太太Shirley結婚3年多，年前薩摩耶犬「哈利」來到他們家中，達成了Alvin想養大狗的心願，同時太太一直很掛念以前離世的薩摩耶犬，所以哈利的到來，給夫妻填補了空缺。

現年約兩歲的哈利活躍好動，性格友善，不怕陌生又黐人，不過每逢哈利從外面回來，一踏入家門開始，屋內的5隻貓咪便會速逃，跳上梳化閃避，Alvin解釋：「哈利唔係特登去追啲貓，佢係想同貓玩，不過啲貓唔覺係玩，好驚佢！」

出歌獻毛孩

Alvin指以前與屋企人同住，但家人未養過狗，於是在商量下養了博美犬「飛雲」，飛雲已經9歲，個子細小，與身材健碩的Alvin相映成趣。Alvin直言飛雲陪伴他度過人生低潮，每當心情不好時，很有靈性的飛雲就會走過來舔他作安慰，他笑言：「不過佢依家好高傲，可能我開心咗，佢唔使再氹我啩，依家佢黐住太太多過我。」

Alvin早年拍攝劇集《法言人》，原來飛雲都有份參演一角，飾演麥玲玲的寵物，他說當時劇組需要一隻狗狗，就促成了飛雲拍劇一事，「飛雲冇酬勞，覺得留個留念幾好，將來睇番會好開心，（你同飛雲有冇對手戲？）冇，我係演自閉症患者！（想再合作？）好想，遲啲有首歌會講飛雲添！」

東網網站 : https://on.cc/東網Facebook專頁 : https://www.facebook.com/onccnews/