張學友澳門開騷被要求講普通話 反叫觀眾學廣東話

張學友前年在紅館舉行演唱會，他開場前在停車場位置與粉絲打招呼時，一名內地歌迷高呼「晚上的演唱會，能不能多講普通話？我從很遠過來，聽不懂粵語。」學友聽到後保持笑容地以「學一下」3個字回應，獲不少網民大讚。沒想到，「講普通話」事件近日在他的澳門演唱會上重演。

學友近日在澳門舉行《張學友60+巡迴演唱會》，他當時在台上以廣東話分享綵排後的經歷︰「我綵排完返入去場館，突然有人截住話唔畀我入去，咁我咪四圍搵啲有我個樣嘅海報，但係都唔畀入，堅持要我拎張卡。我個心真係覺得佢好專業，我喺中國大陸都試過一次，佢係都唔畀我入去。」

此時，台下突然傳來一把男聲大喊「講普通話」。學友聞言以普通話說︰「對不起，對不起，我不能講普通話。」他接着再以廣東話問台下觀眾︰「有幾多人係講廣東話㗎？」台下傳來歡呼聲，學友再以普通話表示︰「沒辦法。對不起﹗學一下，學一下廣東話﹗」學友隨即指一指腦袋、瞇起雙眼及露出萌爆笑容，然後說了句「加油」。

現場歡呼聲四起，學友繼續以廣東話說他未說完的經歷，他說︰「我今日再去唔見咗呢個人，我心諗唔會因為唔認得我就冇得撈呱？可能放假啫﹗呢個人係外籍人士，唔認得我都唔出奇，但係呢件事都提醒咗我，唔好覺得自己係一個傳奇，日日都要當自己係普通歌手，努力練歌同練一字馬。」

（即時娛樂）