力臻疫下重燃夢想 唱出2882公里之感動

現年30歲的力臻最近於ViuTV的《CHILL CLUB X THE FIRST TAKE：THE STAGE OF VOICE》「歌手組」中脫穎而出，獲邀飛到東京登上日本著名頻道「THE FIRST TAKE」獻唱全新作品《Flyin' for your love 2882點85》。他接受商台《星光背後》訪問時分享追夢過程，回憶中大數學及數學教育雙學位畢業後投身教育事業，他表示：「第一間傳統直資學校人工已經好好，第二間國際學校撬我過去更高，養到家亦儲到錢。」不過，他坦言心理不平衡：「見到好多以前歌唱比賽嘅朋友先後企喺叱咤台，如Zpecial嘅康聰、曾比特、吳林峰。當年我哋一齊起步，個個都可以繼續追夢，感覺個天喺度玩我。」

力臻坦言小學五年級時已立志做歌手，2016年讀大二時參加《ShowOff 歌聲對戰》奪冠，獲得歌手合約並安排翌年出碟。2017年父親猝逝，他被迫放棄夢想：「爸爸好惜我，為養家同供我讀書，佢日頭做運輸，夜晚做鐵路維修。準備出碟嗰年，有一晚凌晨收到電話，話爸爸送咗去醫院。我同媽咪去到，姑娘話爸爸到醫院已經無咗心跳。當時好亂，一片空白。一夜之間，全部親戚都同我講『你要大個仔呀，頂住』。我當時仲未畢業，壓力大到心理都有問題。」

雖然力臻當時與媽媽均有做兼職，親友亦提供經濟支援，但他坦言當時感到崩潰無助。力臻回憶：「好無助，亦有怨個天點解帶走我爸爸，屈出咗啲小毛病。我好記得，我喺大學宿舍打去情緒輔導電話，爆喊。」教書初期，力臻曾對唱歌夢死心，直至疫情期間發現父親遺物才重燃夢想。他說：「疫情網課多咗時間喺屋企，見番父母花好多錢送畀我嘅keyboard，又發現爸爸有隻USB，儲咗好多以前我唱歌嘅片段，覺得係佢畀我一個message，所以我主動打番電話畀經理人阿Bert。成件事好快，2021年1月，我打畀佢，3月就出歌。」

力臻在任教期間出道做歌手，無論在傳統學校或跳槽至國際學校，每次出歌均有向校方申報並獲批。然而，他在去年4月被通知不獲續約。他坦言：「有打擊！會諗冇咗穩定收入點算？係咪我平衡得唔夠好？」不過，回望過去，他認為自己已盡力做到最好。力臻續說：「睇番轉頭，已經力臻完美。我冇估計過個結果係咁，但我好清楚，總有一日我要make decision，只係邊個令你做呢個決定。要專注做好事業，好難兩邊都成功，都要取捨。」

力臻以全新創作《Flyin' for your love 2882點85》登上日本國際音樂平台「THE FIRST TAKE」，有望成為其首支破百萬點擊作品。他解釋歌名中的「2882.85」代表東京與香港的距離，蘊含深層意義：「東京係我第一次儲到錢請父母去旅行嘅地方；2800幾公里對好多香港人嚟講只係4個幾鐘頭機程，但對我嚟講，唔在於飛幾耐，而係我花咗幾多時間、努力，得到幾多人照顧同幸運，先至可以飛到呢程機。」

（即時娛樂）