王丹妮睇《梅艷芳》4K版再被感動：回憶再次浮現！

藝人王丹妮（Louise）與廖子妤（Fish）昨晚（10日）出席主演電影《梅艷芳4K全新剪輯版》首映，與觀眾齊齊紀念已故天后梅艷芳62歲冥壽。Louise表示自己已率先看過今次全新版本，坦言電影一開場自己已被感動，當年拍攝時的回憶亦再次浮現，她説：「無論同之前劇集版，定上一個版本電影版，都係好唔同嘅感覺，所以我一路睇一路好多感觸，呢部戲每睇一次都畀到我正能量。」問到重看自己演出有否覺得要改進地方？她表示每次演出也拿出了最大努力，也過了不停重新審視自己表現的階段：「冇得咁樣Judge自己，如果不停咁Judge自己會好唔開心，反而覺得原來我當時真係全程投入，將我所吸收到梅姐嘅所有嘢盡力去演繹，係一個滿滿美好嘅回憶。」她表示時隔4年後，能在這個特別日子重新回看作品感覺相當神奇。

Fish則表示仍未看過今次剪輯版本，坦言最初收到通知有新版本，知道當中會加入不少未曝光畫面，以另一個敍事方式呈現故事，自己也很想看：「我間中會睇返當時拍攝嘅花絮相，覺得好好玩，可以著返嗰個年代嘅衫，同埋當時個樣好BB，好感恩有呢部戲，作為演員幸福嘅部分就係將我哋當時當刻嘅一切記錄喺電影裏面。」另談到她與陳家樂合作的英皇電影《像我這樣的愛情》連環進身《東京國際電影節》及《香港亞洲電影節》兩個大型影展，並於月底衝出香港於東京舉行世界首映，Fish對此感到十分高興，她説：「開心嘅，有戲拍、有戲上，可以繼續同觀眾見面，我可以繼續喺呢行生存，就是我最大嘅感恩！」她笑言有得做便盡做，感恩今年共有6部作品上映。Louise亦透露正在拍劇，首次演長劇的她坦言有壓力，她説：「演專業嘅角色，第一次面對咁大量對白，希望自己可以做好啲，始終劇同電影拍攝上、模式係有啲唔同，自己都要調節心態，好開心可以有一個新挑戰。」

東網網站 : https://on.cc/東網Facebook專頁 : https://www.facebook.com/onccnews/