陳瑞輝談狗隻友善屋苑多限制 惹網民熱議

MIRROR成員陳瑞輝（Frankie）是愛狗之人，日前（23日）在超強颱風樺加沙襲港前接了一頭住在狗場內的「浪浪」回家暫住，好讓牠能平安渡過颱風侵襲。Frankie當時在不同的社交平台分享︰「希望所有浪浪都可以平安渡過呢次颱風，幫得一隻就一隻，大家都要平安渡過﹗呢位客人你好，我係7號技師阿皮，滿意嘅請俾個5星星。」Frankie今天在社交網發文分享飼養寵物的居住困難︰「難！一個可以養狗嘅屋苑，有怕狗，仇狗人士仍然選擇喺呢個屋苑，就可以令到本身可以喺度養狗嘅人多咗好多『建議/規矩』，簡單嚟講多咗好多困難。『建議』大家搵一個適合自己居住嘅地方，咁就大家都生活舒服啲。市民陳先生字。」

Frankie的這則帖文引起網民熱議，有同意亦有反對他的留言。不少網民同意Frankie所言，他們表示「香港已經愈嚟愈少屋苑可以養狗，麻煩嗰啲唔喜歡狗嘅人士，避免選擇可養狗狗嘅屋苑居住」、「多謝市民陳先生嘅發言。既然選擇住喺一個可以養狗嘅地方就應該有心理準備，點解仲要立建議/規矩迫人去遷就」、「陳先生講得好，明明係寵物友善嘅地方，咩原因變得不便寵物，呢個問題，好值得反思及改變」、「陳生講出好多市民嘅心聲」等。

不少網民亦分享他們遇過的經歷，有網民說︰「其實啲仇狗業主買樓前已經知道屋苑係畀養狗，但日常生活中就成日喺啲業主Group單單打打，去管理處投訴，話驚狗，唔想同狗同Lift，迫啲狗戴口罩。有一次因為我隻狗同一個超級仇狗嘅女人同Lift ，個女人癲到要報警。明白真係有鄰居係驚狗，但如果驚狗係會驚到震，買樓前係咪要考慮一吓屋苑有可能唔適合自己呢？而唔係怪啲狗子嚇親你。」有自稱從事保安的網民表示︰「我做保安，有時狗狗戴口罩，我覺得可以，但高層會同我哋講要啲住客同狗狗要坐貨lift。我哋係勸喻。唔係迫佢哋。每次出入都要報上Control，唔准狗狗喺屋苑內行走，要佢去距離10幾分鐘嘅公園。」

不過，亦有網民不同意Frankie的說法，認為無論愛狗、怕狗或仇狗人都應互相尊重並遵守屋苑規則，若覺得規則不合理應向屋苑提出具體建議，例如設立狗隻專區，讓不同需要的人士各自安心，而非要求他人搬離。

（即時娛樂）