呂爵安《e to E》演唱會明晚開鑼 預告與粉絲單獨合唱

MIRROR成員呂爵安（Edan）一連3場《EDAN LUI "e to E" LIVE 2025》明晚（16日）在亞洲國際博覽館開鑼。

身在場館作最後綵排的他今晚在社交平台預告︰「我嘅舞台並唔係咁簡單，因為全場嘅觀眾席都有可能係我嘅舞台。萬一！如果！我喺你身邊出現嘅時候！記得坐定定，唔使太緊張，因為更加緊張嘅係，我可能會同你單獨合唱呀！仲會用ED CAM拍低畀全世界睇！我都好期待呀！好啦，依家畀啲時間你開定聲，練定《漸漸我們》，開場後記得出力嗌爆E個場！see you！」

另外，Edan又轉發MIRROR官方社交平台帖子，宣布其首張個人專輯《e to E》日前開售後火速售罄，公司決定加推預購，已於MIRROR SHOP官方網站及各大唱片店等渠道接受預購。

（即時娛樂）