開箱⭐️東京最難排‧3cm激厚炸豬扒店］🐽🇯🇵

IVE成員 #張員瑛 @for_everyoung10 前排喺IG分享東京旅遊食記，她去咗被喻為「東京最難排的炸豬扒店」的「とんかつ 丸七」！當睇見Post時，眼見女神食得津津有味，小編都默默bookmark，決定下次去東京一定要去食！

🍚 東京最難排的炸豬扒店？
首先講講排隊問題，「とんかつ 丸七」之所以被稱為最難排炸豬扒店，皆因佢以前只係開下午5點至8點，無得預約，想食仲要一大早嚟舖頭排隊攞籌（注意不是排隊就有得食⚠️）！不過後來為方便旅客，而家「とんかつ 丸七」開放埋午餐堂食，朝早11點起供應，加上東京開多咗2間分店，所以而家基本上肯排一個鐘隊都食到～排隊難度比以前大大降低！
而我今次就係特登朝早10點半去銀座店排隊，剛好掹車邊食到第一輪！11點開店時，我身後已排了超過30人！真係早嚟早享受！

✨ 3cm特厚炸豬扒！
「とんかつ 丸七」供應嘅餐單只有「普通‧豬腰肉（150g）」、「上等‧豬腰肉（300g）」、「特級‧炸排骨（300g)」及「炸肉排三文治（外賣限定）」四類，選擇唔多，不過食物絕對係水準保證！而我今次就食咗張員瑛同款「特級‧炸排骨（300g)」炸豬扒飯，豬扒平均有3cm厚，舖滿一整隻碟，睇見都令人垂涎三尺！

✨ 炸豬扒+醬汁 完美組合！
作為一個食豬無數嘅人，不得不讚「とんかつ 丸七」嘅炸豬扒真係好出色！豬扒炸得外層酥脆、內層厚實及嫩滑，豬味濃郁，啖啖肉加上厚滑蛋同白飯，真係好正！我個人好欣賞佢咁厚，啲肉質都可以維持軟嫩，唔會鞋口，食落也啖啖肉，唔係一味靠高油脂去維持個Juicy口感，十足經過slow cook咁！

另外，店家嘅醬料都非常出色，有wasabi 、岩鹽、七味粉及醬油等，豬扒加少少落去吊味，大大減少炸漿嘅油膩感呢！神奇地食晒成碗都唔膩，「とんかつ 丸七」喺細節上都一絲不苟！

BTW, 如果大家個胃仲放得落嘢，十分建議買埋佢個「炸肉排三文治（外賣限定）」，喺tablelog獲大量日網友好評呢！

✾分類標籤
#daydaycheckin_tokyo
👆ᴿᵉᵃᵈ ᴹᵒʳᵉ
★－:+:－:+:－:+:－:+:－★
🎀 記得like埋我，每日放送打卡好去處！📸
http://www.facebook.com/daydaycheckin
http://www.instagram.com/daydaycheckin
💗ᴿᵉᵃᵈ ᴹᵒʳᵉ
https://flowspace.hk