「國際品牌寵兒」郭思簽英皇做演員 新作轉玩狂野性感

近年由模特兒轉型至演員的27歲郭思（Suey），出道至今拍過近百個廣告，包括多個國際品牌，如Chanel、Shisedo、Lancome、Shu Uemura、McDonald's、New Balance、Haagen Daz及滙豐銀行等。最近她推出影視作品《攝︱導︱行》第6集影片《雙生兒·雙新兒》，打破以往框框，以玩味的性感前衛造型示人。

郭思曾擔任 ViuTV《非常食客》主持；演出TVB《美女廚房》當「美女學徒」；同年參演TVB劇集《解決師》。2020年，她跟同為夢想沙龍娛樂文化旗下藝人何彥芷，以歌手身份出道和推出合唱歌曲《女朋友們》；隨後轉投英皇娛樂。

《雙生兒·雙新兒》由廣告導演黃偉雄（Bolie Wong）、攝影師Barry Chung領軍，Suey在片中的造型、道具及場景，以香港80年代曾風靡一時的雙排滾軸溜冰及滑板為題材骨幹，迎合近年掀起的踩Roller熱潮。

對於是次拍攝，Suey自言非常突破：「今次最大挑戰就係要著呢啲比較浮誇啲嘅裝扮，可能是牽動住一堆氣球、又戴住兔仔耳，仲要踩板同踩roller！平時踩板最緊要係鞋底薄，個觸感先會踩到、控制到塊板，但今次係着住厚底長boots去踩，所以係有一定嘅難度。踩嘅時候都好驚，因為平時踩板嘅地方可能係好空曠，或者地面比較平，但今次踩嘅地方係隧道，地下有啲一格格嘅磚，又或者在斜路踩，雖然都有踩開板，但喺呢個環境之下踩，每次個心都會離一離。」