丁子朗馬貫東陳懿德 真情告別漠河北極村

丁子朗（丁丁）、馬貫東與陳懿德（德德），在昨晚（19日）播出的無綫旅遊節目《盲盒鐵路遊》最後一次亮相。他們來到風景如畫的漠河北極村，雖然未能親睹極光，但真摯的分享令人動容。

馬貫東在節目中展現罕見的真性情，繼早前感謝母親與姐姐的支持後，他在「明信片寄意」環節表達對已故外祖父母的思念。他哽咽地說：「佢哋會擔心我係咪仲係路人甲乙丙… 到我攞獎之前冇耐，我婆婆走之前仲好緊張我嗰一年攞唔攞到獎，所以我特登寫呢封信畀佢哋，我想話畀佢哋聽我攞咗獎，我做咗主角，希望佢哋可以收到、開心。」

陳懿德選擇將明信片寫給自己，坦言節目讓他重新思考旅行的意義。她表示：「係透過唔同環境同經歷，去搵一個可能未發現嘅自己。」她回想自己挑戰水上活動時的掙扎：「平時連跑步都有啲驚，因為膝頭哥成日好似想甩出嚟，好擔心會影響工作。今次終於扚起心肝去試，用最赤裸軟弱嘅一面去面對你哋。」

至於丁子朗則感激同行的兩位拍檔：「我覺得能夠同朋友一齊去旅行，係一個好奢侈嘅禮物。」

（即時娛樂）