林芊妤遊馬爾代夫狂晒噴血泳照　吳若希羨慕：我想露都冇

35歲林芊妤（Coffee）近日一家三口到馬爾代夫度假，慶祝與老公相識8周年，還請當地攝影師拍攝靚相，大騷健美身材。Coffee 表示原本未打算即時分享，但由於一則網民的留言，激發她即時將噴血泳照與粉絲分享。

Coffee 原本只貼出自己與囝囝在泳池食漂浮早餐的片段，但有網民則留言寫道：「其實你除咗識條條片露肉，仲識啲乜？」當時Coffee回覆：「我去咗陽光與海灘嘅地方旅行日日都落水，我唔係着泳衣唔通我着樽領衫同潛水衣？畀定心理預備你，下個post我出泳衣相 Tim ah，記得唔好激到嘔血呀！」

Coffee隨即曬出一輯性感比堅尼泳照，更表示除了專業攝影師外，部分相片由老公操刀：「老公好有自信咁話佢覺得佢影得靚過個攝影師～我都承認佢有進步但至於係咪靚過就⋯你哋話啦」。她更反擊網民表示：「日日努力運動就係為左（咗）要成為自己身上最有價值既（嘅）名牌，本身呢輯相都未諗好幾時先出，但睇到個咁既留言今晚即刻要post出黎🤗因為要鼓勵所有女仔都要正面自信，千祈唔好俾啲留言影響到自己～陽光與海灘就梗係着泳衣㗎啦～無錯架🙂‍↔️趁住仲年輕ma😮‍💨」

網民亦力撐Coffee：「身材咁正，依家唔着唔通得七老八十先着？」、「如果我都咁正我都露」、「女仔望都覺得好正」、「好靚好索好正呀，喺適當嘅地方着適當嘅服裝，完全無問題呀」、「咁好身材緊係大影特影啦，唔通等到80歲先影咩」、「真心好靚！健康又性感」、「睇完你呢輯相，而家即有動力再做多d運動」。

吳若希亦留言支持：「留意…我想露都無嘢露😢😢😢你有資格，我想睇多d😍😍😍」Coffee即回應讚她擁有長腿：「喂呀😂但你有條長過人哋條命嘅腿！」阿旦鄧洢玲就讚Coffee：「講得好👏🏻👏🏻👏🏻👏🏻👏🏻身形Fit到咁，唔影多啲相都對唔住自己呀～～～🙌🔥❤️」阿姨徐蒨寧亦表示：「畀佢地發洩下當做善事😅我就覺得露肉露得你咁靚，背後少d堅持都唔得！」

Coffee 連環發相後，再寫到：「話時話⋯好耐無試過一星期內出咁多相。終於清完～V～* 舒服晒」