葉蒨文深情對望10秒　曾展望怕醜全身發紅與「小背心」撞色

藝人葉蒨文（Sophie）、李芷晴（Stephanie）、羅毓儀（Yuki）與關嘉敏（Carman）參與的無綫戀綜《女神配對計劃》星期日將正式進入Dating Camp對戰環節。受網民熱捧的Sophie與GM，擦出更多火花，除了眉目傳情、隔空呷醋，還有甜度爆標的深情對望。

Sophie與GM兩人獲命運之神眷顧大玩親密遊戲，抽中要「不能眨眼的情況下對望10秒」，結果她們在不能自控地甜笑的情況下深情對望，Sophie忍不住篤爆GM說：「你隻耳仔好紅」，GM則一臉羞澀地摸住耳仔否認：「冇呀！有咩？」可惜愈否認耳仔愈紅之餘，連帶整個人也紅起上來，獲Sophie取笑他的臉與身穿上的粉紅色背心一樣色。二人事後接受訪問對甜蜜對望相當回味。

不過，GM也不是穩奪女神芳心，勇者林澤謙（Him）、林堡熙（Eddie）繼續狂追猛打，Eddie在中西餐配對環節中抓緊時機向Sophie瘋狂獻殷勤：「呢度特登留個位畀你架」，當聽到Sophie表示口渴後， Eddie除第一時間遞手示意要水，未幾更索性跑去遠處為Sophie攞水；之後還情深地聆聽Sophie飲食喜好，誠意令原本未有太留意他的的Sophie也為之動容：「我覺得佢對眼好似淨係得我一個咁，冇理其他人，好似好想了解我，我覺得都幾有誠意。」

雖然Eddie火力全開，但Sophie視線卻數度忍不住落在隔籬枱的GM身上，當發現GM與其他女神大聲講大聲笑時，Sophie直言呷醋說：「嗰吓唔知點解傷心咗一秒。」Sophie今集還自揭驚人秘密，原來已有足足6年沒有去過旅行：「我同我EX一齊咗6年半，我一路想佢帶我去日本，但就係一路等咗好多年都冇實現到…咁啱嗰陣疫情佢有啲困難，或者生意上佢心情各樣嘢都唔係好好，咁我就一路陪住佢啦。」

東網網站 : https://on.cc/東網Facebook專頁 : https://www.facebook.com/onccnews/