李彩華想寫劇本拍愛情故事　搵小鮮肉做男主角

藝人羅家英、陳雅倫、李彩華、張國強、孫興、車保羅、黃一山、張文慈等今日（9日）現身紅磡出席活動。

李彩華受訪時表示自己現時工作主要是拍攝廣告和影片，又表示曾想過做電影製片人或寫劇本，問及她想寫甚麼類型的劇本，她笑指：「愛情故事自己做（寫自己啲愛情故事？）差唔多啦，更改下多啲趣味（有無諗邊個做男主角？）未諗啊，睇吓到時邊個合眼緣，多數都要搵細過我嗰啲（鍾意小鮮肉？）係啊，又唔係鍾意嘅，其實追我嗰啲全部都細過我（最細差幾多？）02、03年」，她續指年齡不是問題，最緊要傾得埋，有時不需要傾得很深入，大家開心一齊食飯睇戲就夠。

至於早前為她包場慶生的追求者有否下續，她指兩人沒有交往，因為對方年紀較大，自己亦沒有感覺，笑稱：「後生仔冇咁易攰，年紀大可能差唔多時間就返屋企瞓覺，但我係夜貓嚟（邀請你晨運？）哇我驚啊，晨運我都未瞓，我幾乎都係朝早五點先瞓。」

日前透露第4次患癌的羅家英亦出席同場活動，問及他的身體情況，他現時身體情況幾好，因為打完針好虛弱，需要多些休息：「仲有糖尿增高、貧血、唔夠氣，所以要做吓運動散吓步。」問到太太汪明荃（阿姐）有否叮囑他少去人多的地方，他笑言阿姐叫他即刻走，不要接受訪問，因為是最嘥氣。他指自己一向有定期檢查，原本是透過食藥控制尿糖，但今日醫生告訴他好嚴重要打針，所以明日開始要打成世針，之後再要去看泌尿科醫生，打女性荷爾蒙針。不過他就表示不需要請看護，還搞笑表示阿姐對他和藹好多。

提及他早前為莫文蔚西安演唱會擔任嘉賓，他指西安勾起兩人首次合作電影《大話西遊》的回憶，便約同戲中歌曲《Only you》的作者梁華生，組成「大話西遊31年大聚會」，他透露之後還要做20場話劇巡迴，分別到鄭州、山東及內蒙古等地方演出，11月亦要與阿姐去訪不丹拍攝旅遊節目。另外，問到是否與阿姐一同決定不做任何化療，他則指：「嗰啲係八年之後嘅事。」

另外，女星陳雅倫（Ellen）則笑言無戲拍，主要是在內地社交平台與粉絲聊天，部分已事業有成的老粉亦會邀請她擔任代言及演出。問到單身多年的她會不會想找另一半，她則指：「如果搵到個伴係開心嘅就ok，但如果個伴要我將就嘅，其實係我呢個年紀唔需要（有無追求者？）又唔覺身邊有人追。」

東網網站 : https://on.cc/東網Facebook專頁 : https://www.facebook.com/onccnews/