溫碧霞親自執導電影主題曲MV 回憶少女時代成長經歷

MV係Irene親自執導！

溫碧霞（Irene）擔任監製的電影《我們的十八歲》將於6月公映，電影主題曲《光影之旅》由她主唱外，MV更是她親自執導！Irene再次推出歌曲，更出任MV導演，她說：「呢首歌我自己好喜歡，歌曲內容好能夠表達我嘅『少女心事』。」所謂「少女心事」Irene解說：「MV入面我想用寫日記嘅故事形式去表達我回憶緊我嘅少女時代，色調用咗黑白風，希望帶出一種懷舊、回憶嘅情緒。」

MV中的多個場景如海邊、咖啡廳都是Irene小時候喜歡去的地方，她說：「因為細個時爸爸管得好嚴，所以特別鍾意去海邊，感覺好無拘無束；喺咖啡廳睇書寫嘢，我會將自己嘅心事寫喺本簿。」

將於下月上映的《我們的18歲》是Irene歷時五年半自傳式的電影，她說：「係講述關於兩個少女嘅成長故事，當中紀錄咗自己少女時代嘅反叛，到入娛樂圈嘅種種，我諗所有人最深刻嘅就係成長過程，小時候嘅回憶都係難忘。徐浩寫呢首歌真係好有電影感，聽住音樂已經想像到電影裏嘅畫面。」