莊鍶敏被爆餐廳內share食雪茄　疑再出相公審拍片者

香港法例室內餐廳都禁煙，不過近日網上就流傳一段「拿督千金」莊鍶敏在餐廳內疑似食雪茄的影片。背景疑是北角一間餐廳，片中見到莊鍶敏呼出煙後，和身旁一位男友人分享，另一段片見到該男友人又再將煙傳給另一人。有網民更直指那不是影片標題所指的雪茄：「Share得點會係茄？」

網上有人上載影片留言：「莊思敏and無品friends餐廳食雪茄，係咪當咗自己私竇呀😃 自私X」之後有其他網民留言指出她在室內抽煙已經犯法，並質疑那不是雪茄：「Share得點會係茄？」「雪茄會Pass？」
之後莊鍶敏亦有發文，上載一張女子的照片留言：「我有個朋友仔想認識下呢位靚女😍。 Facebook 大神可唔可以做個紅娘，有冇人識呀？」而背景則是同一餐廳，有網民懷疑相中就是拍片者，指莊鍶敏以公審手段威嚇拍片者。不過讓帖文在大約兩小時後就被刪去。