「漢堡神偷」主題生日會 黃明德生日收「說謊」蛋糕笑爆全場

唱作歌手黃明德（Dark）日前迎來22歲生日，一班Fans於連鎖快餐店為他舉行「漢堡神偷」主題生日會，還送上超搞鬼的「說謊（雪芳）」蛋糕，全場爆笑。今次是Dark人生第一次於連鎖快餐店舉行生日會，玩到High爆之餘，經過今次生日會，Dark自言對店內角色名稱一清二楚，絕對是「漢堡專家」。

Dark自爆十分渴望於連鎖快餐店舉行生日會，不過之後又怕醜地說：「未算係夢想，但一直都想試，之前有首歌叫《只想和你吃漢堡》，啲Fans覺得好代表到我，Fans Club就好好幫我搞生日會。」至於將主題定為「漢堡神偷」，Dark搞笑地說：「我首歌叫《只想和你吃漢堡》，佢哋就覺得漢堡神偷有『漢堡』呢兩個字，同埋可能佢哋覺得似我個樣啩，咁就揀咗做主題。」

今次生日會最搶鏡的，絕對是Fans精心準備「說謊」蛋糕！原來Dark早前推出新歌《大鬧說謊城》，Fans就玩食字訂製這個蛋糕，上面有Dark的糖漿肖像及沙排裝飾，Details位滿分！Dark見到蛋糕即時O嘴：「最難忘、最驚喜係收到fans送畀我嘅蛋糕，首先個蛋糕好大嚿！同埋上面係有我個樣喺度，我個樣係一塊食得嘅糖漿牌，又有沙排，因為我最近打沙排。」切蛋糕時，Dark一口咬甩自己個頭，全場大笑。

生日會上，Dark跟Fans玩遊戲玩到癲，更豪言對快餐店內角色名瞭如指掌，「以前只識漢堡神偷，𠵱家連小飛飛、滑嘟嘟都記埋！」問到生日願望，Dark大吉利市得來又「超務實」：「希望我可以過到下一個生日，就已經非常之開心。」

（即時娛樂）