何依婷郭柏妍爭取演出《新聞3》　有機會可齊拍滑雪題材

藝人何依婷與郭柏妍今晚（18日）出席無綫劇《新聞女王2》慶功宴，依婷指拍攝《新聞2》時因有孕在身，故只拍了很少場口，大感唔夠喉：「我每次見到監製，都會同佢講《新聞3》記得搵我拍，佢話好，會考慮。」至於郭柏妍在劇中場口亦不算多，她解釋因後期她要拍攝另一套劇，她揚言也要主動爭取演出《新聞3》。

另外，早前依婷跟老公及家人滑雪，她稱BB未有同行，因小朋友年紀太細，怕天氣冷會冷親：「我要喺小朋友大個之前，滑雪滑得叻啲，因為小朋友學嘢好快，我怕追佢唔切。」她指生小朋友前已學滑雪，今次是產後第一次滑雪：「之前擔心生完體能冇之前咁好，原來係唔會，我不但體能好咗，以前見到斜坡會好驚，依家見到個斜坡，我心諗仔我都夠膽生，斜坡有乜好驚。」而郭柏妍亦是滑雪新手，她表示因為怕跌，所以有戴齊保護裝備，又謂若有機會也想跟何依婷一齊拍攝以滑雪為主題的劇集。

東網網站 : https://on.cc/東網Facebook專頁 : https://www.facebook.com/onccnews/