黑鼆鼆竟然係西瓜雪條？

日本樂天全新推出「黑肉紅皮」嘅「謎のスイカバー」西瓜雪條，係咪好想試？（互聯網）

同平常吃到嘅西瓜雪條唔同，但同樣用上5%果汁製作，「果肉」嘅味道分別不大。（互聯網）

雪條入面嘅「果核」係朱古力嚟，脆卜卜咁幾有口感。（互聯網）

數到夏日消暑美食，梗有雪糕雪條份，而且用料色澤都以時令食材及繽紛鮮艷色彩為主，但日本樂天今年反其道而行，全新推出嘅夏日新口味雪條「謎のスイカバー」西瓜味雪條就黑過墨汁，每條盛惠108日圓，約HK$7.8。

話就話用西瓜炮製，外形呈三角形，但成條黑鼆鼆，只係底部「果皮」那部分係紅色。成支雪條一如既往用上5%果汁製作，而黑色「果肉」內更藏有朱古力粒扮果核，至於點解係黑色？官方就話用上可可類食用色素製作咁話（乜可可唔係啡色嘅咩？）。

有網民搶試後直言，「果肉」部分其實同平時食開嘅西瓜雪條無乜分別，咬到「果核」嘅朱古力粒帶嚟脆卜卜口感，至於「果皮」，就有唔少網友話似足細個飲嘅「咳水」口味，果然有驚喜！

東網網站 : https://on.cc/

生活