港姐變髮︱12位佳麗率先見人　索女冇晒影大跌眼鏡

無綫《2025香港小姐競選》大會安排初步入圍佳麗今日（10日）眾人到髮型屋接受造型改造，今早暫有12位佳麗率先見人。早上約7時許，眾佳麗陸續現身，當中26歲「巨胸Vivian」莊靜璟最早到達現場，較預定時間早10分鐘現身；「大長今童星」蔡華英則於指定時間後20分鐘現身。大部分佳麗均精靈見人，唔少女士更以戰鬥格上陣，基本上都已經化好妝及以斯文打扮出現，尤其以中英混血兒何詠多（Alison）超短Tube Dress現身最吸睛。

今日12位公開入圍嘅佳麗有：「翻版劉佩玥」陳詠詩、「翻版張曦雯」莫凡、「岳飛後人」岳凡荻、蔡華英（Emily）、劍橋畢業生施宇琪（Angela）、莊靜璟、朱文慧（Teresa）、梁倩萱（Barbie）、甘詠寧（Phoebe）、何詠多、李尹嫣（Victoria）、文靜伊等現身。

但多位賽前大熱人選「翻版莊子璇」陸凱殷、「環姐雙嬌」許詠詩、陳澄倩、「軍人美女」劉維斯等均未見人，未知是否入圍。

東網網站 : https://on.cc/東網Facebook專頁 : https://www.facebook.com/onccnews/