利華古遜將以1000萬歐羅簽入阿爾克馬爾🇳🇱翼鋒普古

🚨根據踢球者消息，利華古遜將會簽入阿爾克馬爾🇳🇱翼鋒普古，利華古遜已經就轉會同阿爾克馬爾達成協議，而普古將會同利華古遜簽約去到2030年夏天，藥廠將會為呢位速度好快嘅右翼球員俾大約1000萬歐羅轉會費😶

💥對荷甲好熟悉嘅利華古遜教練坦哈格好欣賞普古，亦都好有可能係利華古遜簽到普古嘅關鍵人物。由於利華古遜繼續用343陣式，所以估計普古主要代替離隊費林邦嘅右翼衛位置，而且普古都可以客串兩翼鋒位置。如果所有野順利，普古將會係下星期德國盃第一輪比賽上演地標戰🙂

💣根據德國天空體育消息，由於坦哈格繼續用三後衛陣式，所以利華古遜想簽多一位中堅。利華古遜對西維爾🇫🇷中堅路易巴迪好有興趣，而兩間球會已經展開轉會談判，雙方討論緊可唔可以以2500萬歐羅-3000萬歐羅完成轉會。另一方面，利華古遜同巴迪就5年合約開始進行談判🤓