少年「方展博」黃寶龍接手二手書店　談拍攝《大時代》：秋官大俠風範入血

當年在《大時代》中飾演劉青雲童年的黃寶龍，原來已經42歲，身為二手書店第三代傳人的他，十多年前接手生意成為店主。他在今晚（8月16日）TVB播出的一集《奇蹟小店》中，大談當年拍攝《大時代》點滴，他透露與劉青雲接觸機會不多，大家只是因為劇中一首英文詩接觸過，反而與劉松仁及鄭少秋相處較多。

黃寶龍憶述指，秋官絕對是「大俠Style」入血：「我印象中佢真係有大俠風範，喺服裝車佢都會耍兩吓，同你傾吓偈都大俠咁，入咗血㗎喇。」寶龍又透露因為曾志偉關係，將初吻獻了給當年同樣是童星的唐寧。

十多年前接手書店的寶龍，喜歡「感受書的溫度」，並謂走進二手書店感覺就像尋寶。寶龍帶製作組到店舖舊址話當年，除分享當年營運模式，還展示甚有歷史價值的書店招牌紙袋。談到經營二手書店使命，寶龍透露：「就係點樣將啲書保存得好啲，再承傳落去」，並謂祖訓「面對困難，就要迎接」是其堅持下去的信念。

另外，節目亦拜訪張氏夫婦用心經營多年的租書店，除與店主大談租書店歷史興衰，更大談不同年代的代表性本土漫畫，當中最大亮點是《百分百感覺》作者劉雲傑原來是張生張太熟客仔，劉雲傑更現身節目說：「會去吓佢哋度搵靈感，佢哋好好，知我係漫畫家，都會同我傾吓偈，又幫我搵吓漫畫，嗰時大家好似街坊咁，成日都見。」張氏夫婦坦言，若不是顧客的支持及熱情，他們沒法堅持走到今天。