林家謙越級挑戰半馬　2小時13分搞掂自詡有天分

歌手林家謙今日（18日）現身馬拉松賽事，他表示是他的首次，能以2小時13分完21公里賽感到滿意，談到首次參加即挑戰半馬拉松，他笑稱自己喜歡越級挑戰，他説：「時間同平日練跑差唔多，平日都有教練幫我訓練。」他透露自演唱會後便開始練跑，至今已練了數個月，問到明年會否再參加？他説：「未知，但至少今年完成咗今年要做嘅事，今年想做啲離譜嘅事，跑步就係其中一件。」

他表示是獲朋友和品牌邀請故決定參加賽事，笑指發覺自己跑得吓及很有天分，問他有否邊跑邊唱歌練氣？他說：「因為開演唱會就練，當時幾公里咁跑，覺得自己夠氣，只係腳嘅肌肉要訓練，感覺上斜比較容易，反而平路同落斜有啲擔心衝力。（下年跑全馬？）畀我抖抖，哈哈！下年再下年，但會想繼續跑步。（搵埋老友Tyson Yoshi一齊跑？）唔知佢跑長跑係點，佢啲爆發型應該短跑叻啲。」

東網網站 : https://on.cc/東網Facebook專頁 : https://www.facebook.com/onccnews/