東方日報C1：王敏奕磨刀20年鋪后路　諗起冇戲拍想喊

入行20年的王敏奕在無綫台慶頒獎禮「開齋」勇奪「最佳女配角」獎項，她直言最多謝的是恩人佘詩曼的無限鼓勵。現時事業一帆風順，預告今年歌、影、視三棲發展的她，原來早年曾陷事業低潮，更一度想轉行。今年她隨時有機會角逐金像獎影后，回想當年等待的日子都想喊。

藝人王敏奕14歲已入行做模特兒，16歲參演電影《烈日當空》、廣告及港台節目，隨後加入影壇，2014年再憑無綫劇集《女人俱樂部》踩入電視圈，開始備受觀眾關注。她於2019年與曾志偉兒子曾國祥結婚，被譽為「最美家嫂」，更因天然氣質及甜美樣貌獲網民封為「TVB最美花旦」。現年34歲的她不經不覺入行20年，在這個值得紀念的時間，早前在無綫台慶頒獎禮憑劇集《新聞女王2》中「劉艷」一角當選「最佳女配角」，亦是她首個影視獎項，成功作出「零的突破」，直言是很大的鼓勵與肯定。

曾參演不少劇集及電影的敏奕演出向來有口碑，外間覺得「最佳女配角」可謂遲來的獎項，但她輕描淡寫自嘲可能是成長得慢，認為攞獎要看緣分，現時正是一個好時機，因入行多年，大家對她已有足夠認識：「我覺得個獎嚟得啱啱好。」劇集《新聞女王》系列無疑是她近年事業上的突破點，特別是遇上佘詩曼，對方窩心的鼓勵為她加添不少力量，她說：「佢真係我嘅恩人，畀咗好多鼓勵我，亦因為佢美好嘅讚賞，令大家會去了解王敏奕係一個點樣嘅演員，所以好多謝佢，佢從來都係好無私奉獻！」

與偶像保持距離

阿佘不時在訪問中讚賞敏奕，原來背後的支持比大家所知的更多，敏奕說：「一開始好受寵若驚，因為一直覺得演員嘅路好孤獨，成日批評自己可以做好啲，有一個咁敬重、咁犀利嘅前輩做對手戲，仲直接回饋畀意見你，對我嚟講係強心針！最深刻係阿佘睇完我套電影《空心人》，讚完我之後，過咗幾個鐘又再問我一啲問題，心裏面仲有我，令我覺得好窩心。」

不過，她坦言與阿佘的相處保持了一點距離：「對住佢仲會怕醜，對住尊重嘅人喜歡保持少少距離，就好似小Fans咁，佢真係我偶像。」阿佘曾預言敏奕會是未來的視后，問到目標是否朝着視后進發？敏奕說：「繼續努力，不斷去進步，仲有好多空間、角色可以嘗試，但獎項唔係一個目標，最重要係角色打唔打動到人，做好演員本分，其他榮譽就會自然出現。」

曾想轉行做廚師

打開攞獎之門的敏奕，憑主演電影《空心人》獲得金像獎「入閘」資格，有機會競逐影后，她笑說：「喺金像獎小冊子見到自己套戲係莫名感動，好似距離近咗，記得7、8年前拍金像獎片，當時有好多做演員嘅不安，講起『等』呢個字就想喊，冇戲拍係最傷心，覺得自己好冇用，依家覺得自己處於幸運狀態，有工作、角色、電視劇又有獎。」

回首事業低潮，她自爆想過轉行：「演員冇戲拍就係低潮，當時對自己充滿懷疑、冇信心，甚至想轉行，大概係結婚前後，覺得好似唔適合做演員，係咪我唔好所以冇戲搵我拍呢？」她想過開餐廳做廚師，但身體最誠實，發覺做廚師的熱情不及演員，寧願繼續等機會。她感激老公曾國祥多年來在身邊支持她追夢：「佢係最直接睇到我情緒嘅人，咁多年嚟，佢都好希望我畀自己信心，獎項的確畀到好大鼓勵我，佢都好戥我開心。」敏奕今年除了繼續拍劇、拍戲外，還會推出第一首度身訂造個人單曲，實行歌、影、視三線發展！

更多新聞，請瀏覽東方日報網頁：

https://orientaldaily.on.cc

東網網站 : https://on.cc/東網Facebook專頁 : https://www.facebook.com/onccnews/