泳兒首任DJ分享音樂心聲 自認有控制慾挑戰空氣對話

泳兒近日首以DJ身分參與新城《新手DJ大鳴聲》節目，體驗當DJ及分享最愛音樂的感受。她坦言對DJ工作深感興趣︰「我鍾意控制場面嘅感覺，有控制慾，主持好似照顧人嘅角色，要掌控氣氛節奏。」

泳兒在節目中分享了多首別具意義的歌曲，包括她的新歌《計劃書》、《無糖可樂》、Lady Gaga的《Abracadabra》，以及陳蕾的《求救的勇氣》等。她逐首介紹：「《計劃書》講計劃永遠追不上改變，大家只要好好過好每一日已經非常足夠。我早前去新加坡睇Lady Gaga演唱會，之前冇諗過會咁震撼。我好鍾意嘅佢歌，現場睇佢演出時，完全感受到佢對舞台嗰種熱誠，對演出嘅追求同創新。」

首次獨自掌控節目，泳兒認為最大難度是對空氣說話︰「冇人對答時，一停低就全場靜晒。我講嘢細聲，有咪先能夠將把聲變厚。我要磨練急才，主持要臨場反應，尤其訪問嘉賓時要keep住對話唔可以有冷場，絕對唔容易。」

（即時娛樂）