多蒙特主場2:0擊敗慕遜加柏升上德甲第2位

🚨多蒙特憑住布蘭特同拜亞入波，主場2:0擊敗慕遜加柏，結束兩場不勝。不過，翼鋒艾迪耶美對於自己係比賽60分鐘被換走超級唔滿意，艾迪耶美由球場另一邊行返去後備席已經見到佢嬲爆爆，艾迪耶美原本想直接行返去更衣室，但被體育總監基爾抓住，並且好嚴肅咁傾咗一陣。之後艾迪耶美都係返到後備席坐低，不過就繼續表達不滿😠

💥體育總監基爾就係賽後宣布「球員要接受現實，而換人決定係教練作出。如果球員唔滿意嘅話，可以去返更衣室表達，或者第二日就係訓練入面展示表現同態度，但我哋唔想再見到呢種反應，所以艾迪耶美會被罰款。」。今次唔係艾迪耶美今季第一次唔滿意教練換人決定，佢曾經係今年10月唔滿意被換走，之後返到後備席好嬲咁掉水樽🙃

💬教練尼高高華出席記者會就話「我覺得換人呢個決定係正確，如果艾迪耶美再睇返今場比賽，佢就會今場比賽會係佢其中一場表現比較差嘅比賽，而我係半場休息同艾迪耶美講過。不過，表現唔好都成長嘅一部分，佢一定要學識接受、反省同埋認錯😉。」