曼城對域斯好有興趣 願意支付1.5億歐元轉會費

根據德國圖片報消息，利華古遜相信中場域斯會再留多一個球季，並希望同域斯續約去到2028年夏天，由出年夏天開始就有個1.25億歐羅解約金條款。如果決定唔續約，域斯將會係今個夏天離開利華古遜，球隊要求至少收返1.5億歐羅轉會費，而域斯將會今季完咗之後作出最後決定😶

消息指皇馬將會五月先至決定到會唔會簽域斯，利華古遜教練沙比阿朗素嚟緊都有可能成為皇馬新教練。另外，曼城教練哥迪奧拿同域斯見過面，並且解釋點樣適應曼城戰術同埋取代迪布尼位置，而曼城準備比1.5億歐羅轉會費，並願意為呢位德國🇩🇪球員提供2500萬歐羅年薪🙂

消息又指拜仁情況比較複雜，域斯爸爸希望域斯轉會加盟拜仁，並且多次同拜仁榮譽主席漢尼斯見面，但由於曼城對域斯好有興趣，而利華古遜唔想賣比直接競爭對手，再加埋拜仁同利華古遜高層關係唔好，呢啲因素都會影響呢單轉會發展🙃