新年打牌5大禁忌│人品好真係易食糊？！

新春去拜年，好多時都會打牌、玩下魚蝦蟹是常識吧？所謂「只要牌品好，人品自然好」，咁講人品好真係易食糊？非也！如果唔小心犯下打牌禁忌，小心雀友嬲嬲豬提早幫你開年！

撰文：二十二｜圖片來源：嚦咕嚦咕新年財、家有囍事電影截圖｜編輯：海月、odin

新年打牌5大禁忌

1.拍人膊頭？好Friend呀？

玄學認為，人的雙肩有金光護體，積儲運氣。假如打麻雀勢頭當旺，被人拍膊頭便會容易拍走好運，萬一輸錢，小心怪在你的頭上！

2.天糊不是人人可以食

天糊，即是開局14張牌已經可以食糊，是莊家的特權。有些人相信天糊是麻將魂作怪，感覺邪邪地。即使你百無禁忌，最好開檯前問問雀腳意見，以免大家掃興！

3.書書聲，好難聽

打麻雀當然是求橫財，最忌輸輸聲，好運都變衰運。「輸」與「書」同音，看書是自然是大忌，即使旁人看書也不行。有書卷味是好事，但新年還是看安德尊扮財神吧！

4.難發財、發財難

萬事都要好意頭，打發財當然無問題，但如果上家打發財，你就別要打南了，因為「發財南，「發財難」。倒過來亦一樣，上家打南，你就不能打發財，大家也不想「難發財」吧？

5.睇腳呀！

人不犯我，我不犯人，切勿將腳伸到別人的椅子下，也要提防別人把腳伸到你的椅子下，因為這會會干擾財運。當然，腳短人士可以忽略。

圖片來源：嚦咕嚦咕新年財、家有囍事電影截圖